by میرپور (پی آئی ڈی)10مارچ 2025
کمشنر میرپور ڈویژن چوہدری مختار حسین نے ڈویژنل ہیڈ کوارٹر ٹیچنگ ہسپتال میرپور کے زیر اہتمام فروٹ باغ میں پودا لگا کر قومی شجر کاری مہم کا باقاعدہ افتتاح کیا۔اس موقع پر صدر سپریم کورٹ بار ایسو سی ایشن جاویدنجم الثاقب ایڈووکیٹ،ایم ایس ڈاکٹر عامرعزیز،ڈی ایچ او ڈاکٹر فدا حسین راجہ،پرنسپل نرسنگ کالج شہناز امیر،پی ایم کے صدر ڈاکٹر اعجاز احمد راجہ،ڈی ایم ایس ڈاکٹر ماریہ ذوالفقار، انجمن فلاح و بہبودانسانیت کے صدر ڈاکٹر طاہر محمود،سابق صدرکشمیر پریس کلب الطاف حمید راؤ،پریس کلب میں کشمیر کمیٹی کے چیئرمین ظفر مغل،انفارمیشن آفیسر محمد جاوید ملک، صحافیوں، میڈیکل و نرسنگ سٹاف نے بھی پودا جات لگائے۔
اس موقع پرکمشنر چوہدری مختار حسین نے خطاب کر تے ہوئے کہا کہ وزیر اعظم آزاد کشمیر چوہدری انوارالحق کی طرف سے قومی شجر کاری مہم کوکامیاب کر نے کے لیے دو ٹوک ہدایات ہیں۔ڈویژنل ہیڈ کوارٹر ٹیچنگ ہسپتال میں پھلدار باغ لگانا بھی وزیر اعظم کی ہدایات پر عملدرآمد کر نا ہے اس باغ میں ہسپتا ل انتظامیہ نے مختلف اقسام کے پھلدار پودے لگائے ہیں اور مزید پودے لگائیں گے۔یہ باغ جہاں ہسپتال کے لیے رونق کا باعث بنے گا وہا ں اس سے عوام الناس میں پھلدار درخت لگانے کا جذبہ عوام الناس میں بیدار ہو گا اور وہ اپنے گھروں،محلوں،کھیتوں سمیت مختلف جگہوں پر پودے لگائیں گے۔انہوں نے مزید کہا کہ قومی شجر کاری مہم جو ش و جذبہ کے ساتھ شروع ہے جس سے موسمیاتی تبدیلیوں اور ماحولیاتی الودگی کے سدباب میں مدد ملے گی۔میری عوام الناس سے اپیل ہے کہ وہ اپنے اپنے حصے کے پودے لگائیں اور بین الاقوامی موسمیاتی تبدیلیوں منفی اثرات کی روک تھام کے لیے شجر کاری مہم کو کامیاب کریں۔یہ ہماری اور ہماری آئندہ نسلوں کی بقا کے لیے ضروری ہے۔
ایم ایس ڈاکٹر عامر عزیز نے اس موقع پر بات چیت کر تے ہوئے کہا کہ وزیر اعظم آزاد کشمیر چوہدری انوارالحق کے ویژن کے تحت ڈی ایچ کیو ہسپتال میں پھلدار باغ لگایا جار ہا ہے۔اس باغ میں مختلف اقسام کے پھلدار پودا جات لگائے جارہے ہیں۔ہم وزیراعظم آزاد کشمیر کے مشن کے مطابق آزاد کشمیر بھر کو سبز و شاداب بنانے کے لیے دوسرے لوگوں کوپیغام دے رہے ہیں خوشک سالی کے خاتمے کے لیے قومی شجر کاری میں بڑھ چڑھ کر حصہ لیں۔
صدر سپریم کورٹ بار ایسو سی ایشن جاوید نجم الثاقب نے کہا کہ اس وقت دنیا بھر میں سنگین موسمیاتی تبدیلیاں آرہی ہے جس کے تدراک کے لیے ہر فردکو شجر کاری میں حصہ لیناچاہیے تاکہ جنگلات کو فروغ دیا جائے۔
ڈی ایچ او ڈاکٹر فدا حسین راجہ نے بھی قومی شجر کاری اور جنگلات کے فروغ کی اہمیت و افادیت بیان کر تے ہوئے کہا کہ محکمہ صحت عامہ قومی شجر کاری مہم میں بھرپور حصہ لے رہا ہے۔
